Патриотизм гишӓн веле агыл шая

Келесӓшок гӹнь, цилӓ эдемок ӹшке семӹньжӹ патриот ылеш. Дӓ тидӹ, шанымем доно изишӓт худа агыл. Но мам ти шамак анжыкта, тидӹм ынгылымашты айыртемжӹ веле пиш кого. Патриотизм – лач кырык марла ынгылаш гӹнь, ӓтя мӱлӓндӹм яратымашым анжыкта. Дӓ шаяжым тишец и тӹнгӓлӹнӓ. Ма ылеш кырык дӓ кожла марынвлӓн Ӓтямӱлӓндӹнӓ? Мӹньӹн ӹшке ынгылымаштем, мӹньӹн Ӓтямӱлӓндем марынвлӓн мӱлӓндӹвлӓ ылеш, кышты кырык дӓ кожла марынвлӓн, эчежӹ вӹтлӓ марынвлӓн туан йӹлмӹнӓ шакта. Ӓтямӱлӓндӹн тӹнг элементжӹ — туан йӹлмӹнӓ. Седӹндонат, кыце официал пропаганды вуй вимнӓм мышнежӹ — мӹньӹн, дӓ шанем, тенгеок шукы марынынок туан мӱлӓндӹнӓжӹ Калининград гӹц Камчаткы якте нигыцеӓт лин ак керд. Тенге лиэш гӹнь, Ӓтямӱлӓндӹнӓ цилӓ Руш Эл лиэш ма? Тидӹлӓн ам ӹнянӹ, вет мам ит попы, рушынвлӓжӓт икань менталитетӓн агылеп. Шамаклан, Калининградышты шачын-кушшы ик пӓлӹмем, кыды Москваштат вӓк курымжат ылде, ӹшке туан велешӹжӹ, тенгеок Ӓтямӱлӓндешӹжӹ лач Калининград областьым веле шотла. А манярын ылыт тӹдӹлӓ шынышы рушынвлӓ, кыдывлӓ вес областьвлӓ дон Республикывлӓштӹ ӹлӓт?

Кырык марынвлӓ, историн виӓнгмӹжӹ гишӓн, Руш Элышты ӹлӓш вӓрештӹннӓ. Историштӹш лиӓлтмӓшвлӓ вес йишрӓк ылыныт, историн араважы вес семӹньрӓк сӓрнен ылгецӹ, мары халык ӹшке первиш вӓрвлӓштӹнӓок: кӹзӹтшӹ Москва, Кострома, Владимир, Ярославлль, Угарман областьвлӓн территоривлӓшток ӹленӓ ылын. Шанем халыкнан кӹзӹтшӹ жепӓш ӹшке кугижӓнӹшнӓӓт лиэш ылын. Йӹлмӹнӓӓт цилӓ вӓре ирӹкӹн йонгалтеш ылын, халавлӓнӓ, солавлӓнӓ, марла университетвлӓ, школвлӓ, кугижӓнӹш институтвлӓ лит ылын. Мане, ылын. Кӹзӹт тидӹ нимат уке. Европыштыш вес халыквлӓн ситуаци гишӓн пӓлдӹртӓлмӹ шоэш, кышты кугижӓнӹшдӹмӹ статусан халыквлӓн: басквлӓн, бретонвлӓн, каталонвлӓн, саамвлӓн йӹлмӹвлаӓштӹлӓн регионал статусым пумы. Тенге нӹнет туан йӹлмӹштӹм переген кодаш манын, тетя пичӹ гӹц кӱшӹл школ якте ӹшке школ системыштым виӓнгденӹт, яркален шӹндӹмӹ школвлӓ нӹнӹн уке – баск ылат гӹнь, пуры ли, тӹнь баскла икшӹ класс гӹц луатикшӹ класс якте тымень кердӓт. Варажы кӱшӹл школыштат туан йӹлмет доно образованим нӓлӓт дӓ доктор пӓшӓмӓт туан йӹлмет доно сирӓш праваэт улы. Тидӹ марынвлан улы?

Кӹзӹтшӹ Руш Элышты тыгыды халыквлӓ, вес семӹньжӹ чӹдӹ шотан халыквлӓ гишӓн хытырымаш, политиквлӓ дон культуры пӓшӓ йӓнгвлӓ (деятель) лошты уке доно иктӹ — телевидеништӹ тидӹ гишӓн программывлӓм акат анжыктеп, прессышты акат сиреп. Но ядмашыжы пишок актуальный ылеш ылнежӹ.Чӹдӹ шотан халыквлӓ Руш Эллан, вуйта акат келеп, сӓндӓлӹкӹн кӹзӹтшӹ идеологилӓн нӹнӹ вуйта уты груз ылыт. Сӓндӓлӹкӹн вуйлатышывлӓжӹ кӧргӹштӹш проблемывлӓм решӹмӹ дӓ изи халыквлӓн йӹлмӹштӹ дӓ культурыштым виӓнгдӓш палшымы вӓреш, пашкуды сӓндӓлӹквлӓштӹ ӹлӹшӹ рушынвлӓн картым кычылтыт – нӹнӹлӓн палшымы лӹм доно вес сӓндӓлӹкӹш танквлӓ донат кеӓш йӓмдӹ ылыт. Тенгелӓ, кыце Ирвел Украинышты лиӓлтӹн. Тидӹм сирен, ти корнывлӓм лыдшывлӓжӹ тидӹлӓн ӹнянӓ вӓл? Тӹ лыдшы, кыдын вуйышкы «патриотизмӹн» значенижӹм воксеокат вес йиш анжалтыш доно ынгылдаренӹт. Мане, патриотизм гишӓн попш келеш. Туан халыкнан ситуацижӹ гишӓн дискуссивлӓм эртӓрӓш келеш, тидӹм тӹтӹшде йыдет-кечет ӹштӹмӓн. Ти пӓшӓжӹм кыце халыкнан элитыжы, тенгеок цилӓ шаныкалышы эдем ӹштышӓшлык. Йӹлмӹнӓ дӓ культурына вӹкӹ вуйым ӓмӹш шуэн, анжен ажышашлык ана ыл.

«Цикмӓ» журналын редакторжы

Реклама

11 комментариев на «Патриотизм гишӓн веле агыл шая»

  1. Vitali:

    пиш кого тау, Лиза, пуры шамакетлан! Мам келеснем ылын, яжон ыннгыленат. пашает ашныжы!

  2. Ӓнгӹремшӹ:

    По чем страну продаете, уроды.

  3. Ӓнгӹремшӹ:

    Шот донжы украинымат мынгеш Российыш ваштымыла, кодымыла Львовым, нехай тышты ылат свидомый патриотвла, кыдывла Бандерылан ыдылыт. Такеш ма тетямын кок ызажы вуйым пиштеныт кызытшы украинын муландышты, Шкежат тетям вырс гыц ик ял дон толын. Сек когонжок лудынна немыцвла гыц агыл, а галицкий националиствла гыц, — манеш ыльы. Немыцвла агыл эдемвлам живой нек йылатеныт, тетявлам сакеныт, ыдырамашвлам обижаеныт да пуштыныт, а Бандероецвла.

  4. Ӓнгӹремшӹ:

    Цаш ылын ик бандеровец дон пашам ышташ, шкежы Львоский область город Стрый гыц ылеш, кымшы царка паштек, москаляку на гиляку манын сыгырыл-сыгырал колта ыльы, да эче когоракын Слава украини!!! Что ваша рашка, вот у нас, да, патриотизм, мой сын ездит в лагеря военнопатриотические, приезжают лучшие инструктора из Европы и занимаются тиды 2004 год.

  5. Ӓнгӹремшӹ:

    Ага, ужам ынде маханьы украини… тынам эче «правый сектор» шайажымат палаш-палыделам. Анжалда кышкы сарналтын украини, техеньок евроинтеграцим ма донна ыштынета?

  6. Ӓнгӹремшӹ:

    А патриотизм Российышты правильный. Марла хытыраш да мары культурым развиваяш таланда иктат ак мешайы, цила тиды мамнан кидышты ылеш.
    Кок шайам веле сиралтынем ыльы, шукырак лакты.

    • Кырык мары:

      Ит тӹрӹклӓнӹ, «ӓнгӹремшӹ»!!! Телевизӹр кӧргеш ӓнгӹремшӹвадетӹм пидӹн шӹнзок. Итрӓ пӧртӹш ит лӓк — куги ваштыр дон тӹньӹм ыдырен валтенӓ дӓ вес сӱк дон иквӓреш йылшы камакаш шуэн колтенӓ. Ынгылышыц?

  7. Ӓнгӹремшӹ дорц техень комментари толын. Тидӹм, этика дӓ мораль ӓмӓл доно, тӧрлӓтӓлмӹ:

    Кынар тӹжемӹм тӓлӓндӓ европыштыш кугижӓдӓвлӓ ти статьяда гишӓн тӱленӹт вал? Эстонец дон Финнвлӓ марынвлӓм ородыш колтат, суасламарывлӓ док Болгари гӹц вуйым сӓртӓш толыт. Цилӓн гейропы дон аздарат… (Пакыла секс акт гишӓн сирӓлтешӓт, редактор текстым карангден). Европын дӓ америкын цельжӹ Российым изи лаштыквлӓэш шӓлатен пиштӓш дӓ сӹнгӓш. Вара цилӓ пыдавлӓжӹм шке лоштышты пайлаш. Ти шотышты Марий Эл Республикы когонат нӹнӹлӓн керӓл ак ли, мӓ донна нефть моло уке, шӹргӹм пел и лошты роэн шуаш лиэш, седӹндонат, Европын кидӹштӹ цилӓн рабвлӓш сӓрнӓлтӹнӓ, Гитлер тӹдӹмок ӹштӹнежӹ ылын, толькы вес йишлӓ, кӹзӹтшӹ Европы кӧргӹ гӹцӹн Российым шӱктен сӹнгӓш решен.

  8. Пуры вады.
    Украины дон Руш Эл лоштыш конфликтшӹ кышец трӱкок лӓктӹ? Малын тенге ли? Эмоцивлӓм ӧрдеш коден, шаналташ келеш ылнежӹ.

  9. Lashtra Tum:

    Пуры йыд.

    Тиштӓт патриотизм гишӓн шая кеӓ:
    http://echo.msk.ru/blog/ganapolsky/1742558-echo/

  10. ондрин валька:

    Патриотизм, патриот- тидӹ мары шамаквлӓ агылеп. Мары халык пиш шонгы халык ылеш, тӹдӹ шонгы эдем ганьок цилӓ вес эдемвлӓ доно пурын дӓ тырын ӹлӓш цаца. В.Аликов ти статьяштыжы кырык марывлӓм мары халык гӹц пасна айыра, а мӹнь шанем тидӹ самынь. Мары халык иктӹ ылеш, кырык-кожла-вӹтлӓ-кокша, алык-марынвлӓ, ирвел марынвлӓ дӓ вес марынвлӓ сойток цилан марынвлӓ ылыт. В.Аликов со тыгыды халыквлӓм руш халык ваштареш шагалтынежӹ. Мӹнь шанымаштем тидӓт самынь шанымаш. А Украина шотышты- Украинышты ти кыти-мути 2018 и паштек цилӓ йонгештӓлт кеӓ дӓ тӧрлӓнӓ лиэш. Ӹжӓл, Валерим ик семӹньжӹ мӹнь пиш шотеш пиштем, а вес семӹньжӹ изишӓт ынгылен ам керд, потому что тӹдӹ политикы доно утла вуйжым лыгаш тӹнгӓлӹн, а вет политикы иктӹмӓт пурыш кандыде. Полтитикы- тидӹ игечӹ мардеж, тагачы- мелын пуа, а иргодым- тупын.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s