Пентти Саарикоски

Финн поэт, (1937 – 1983). Пӹтӓриш лыдышвлӓжӹм 15 иӓш ылмыжы годымок сирен. Ти сӓрӹмӹ лыдышвлӓ ӹрвезӹрӓк ылмыжы годым сирӹмӹ ылыт, кыдывлӓм 1958 – 59-шӹ ивлӓн сирӹмӹ.

Киндӹ

Нӹнӹлӓн пӹлгомыштыш тӹлзӹ ак кел ылын,
вӹд вӹлнӹ тӹлзӹн йӹлгӹжмӹжӓт,
нӹнӹлӓн киндӹ келӹн,
тенге нӹнӹ пӓшӓм ӹштен
дӓ пӱжвӹдӹштӹм йоктарен киндӹм куштенӹт,
тевеш ӹнде тӹдет киӓлтӓ стӧл вӹлнӹштӹ,
шӧртнялгӹ йӹргешкӹ яжон кӱэштмӹ киндет,
лачокшымат тотлы киндӹ,
но нӹнӹн кидвлӓштӹ мытыквлӓ
ылыныт, и гӹц ишкӹ нӹнӹ
мытыкемӹнӹт,
нӹнӹ цилӓ ӹштенӹт, но кидвлӓштӹ
нӹнӹн техеньвлӓ ылыныт.

Кайну элеги

Колышы пушӓнгӹн кидвлӓжӹ йымын гань
тӹнгӹн шӹцшӹвлӓ: колышы йымы
цӧкӹм пушывлӓлӓн ак попы,

нӹнӹжӹ куп гач каштыт, пушӓнгӹм эртен,
нӹнӹ акат ынгылеп акат пӓлеп
мӓжӓт тенгеок, мӓжӓт,
пӓшӓштӹм ӹштен пӹтӓрен шӹргӹштӹм шӱӓлтӓт
мӓжӓт ӹшке шӹргӹнӓм
картинӹмӓт вӓк анжалде.

Яратышывлӓ

Пушӓнгӹвлӓ колышы мӱлӓндӹ вӹлец кӹньӹлӹт
дӓ ӹлӓт,
пушӓнгӹвлӓн кечӹштӹ кужы:
нӹнӹ пӹцкемӹшӹш толыт: нӹнӹм укшвлӓ кӹлдӓт,
намалтышыштым нӹнӹ пушӓнгӹ важ докы
шуэн колтат, кыдывлӓ пӹцкемӹш верц ылыт
варажы мӹнгеш кеӓт,
пушӓнгӹвлӓн кечӹштӹ кужы.

Диалог

Пӹлвлӓ, келесӹшӹц, пӹлвлӓ
ти тӱнымбал гӹц агылеп.
Дӓ сойток корабль нӹнӹм пыдырта,
дӓ лӱдӹн колтенӓ. Пӓлет,
малын парнявлӓэм техень мытыквлӓ ылыт?
Агыт: нӹнӹ доно пӹл тервен кечӓлтӓш
ӹнжӹ ли манын, кенвазам гӹнь
пӹлдырвлӓ гач, тӹнӓм кеквлӓ, кеквлӓ
пӹлвлӓ вашт, нӹнӹжӹм
тӹнь ужын кердӓт.

Пушӓнгӹвлӓ

Пушӓнгывлӓм вадеш ӹштӹмӹ,
вадеш нӹнӹ ӹлӓт дӓ ынгылаш лиэш
пушӓнгӹвлӓм, санзалан вӹд тотанвлӓм, шуды пышанвлӓм,

мӹнь донем тӹдӹ ыльы ма, шарды пӹцкемӹшӹш кыдальы м,
кырык вуйышты шалгат пушӓнгӹвлӓ,

сусу ӓль тӹдӹ гишӓн шанымаш, варажы йыд,
йӱмӹ шомаш, рокын кукшыжы.

Реклама
Запись опубликована в рубрике Uncategorized. Добавьте в закладки постоянную ссылку.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s