Амалыда, тырын, туан сӓндӓлӹкӹн геройвлӓжӹ!

Валери Микор

Амалыда!

Амалыда тырын!

Амалыда ладнан!

Амалыда карштышвлӓдӓм монден!

Амалыда шушырвлӓдӓм монден!

Амалыда шӹпӹштӹ!

Пӓпӹдӓ!

Амалыда туан сирнӓ гӹц мӹндӹрнӹ!

Амалыда туан пӧртӹм монден!

Амалыда, марла остатка шанымашда доно!

Амалыда, шӱм ваштда остатка гӓнӓ марла шаналтен:

«Ӓвиэм, ӓтиэм, ӹзӓ-шоляэм, ӓки-шыжарем, туанем, яратымем, ӹдӹрем, эргем…»

Амалыда!

Амалыда туанвлӓ верц кредӓлӹн!

Амалыда туан пӧрт верц кредӓлӹн!

Пӓпӹдӓ!

Амалыда, тырын, туан сӓндӓлӹкӹн геройвлӓжӹ!

Амалыда!

Мары халыкын геройвлӓжӹ амалыда!

Кого Вырсышты ямшывлӓ!

Туан Мары Эл верц кредӓл вуйдам пиштӹшӹвлӓ!

Тӓ вет вараш ӓвӓ верц кредӓлмӹдӓм пӓлӹделда!

Пӓлӹделда!

Но амалыда!

Пӓпӹдӓ!

Тек тӓмдӓн омында курымеш цевер лиэш

дӓ омыныштыда Туан велнӓн шокшы

цевер, сӹлнӹ, пышкыды мӱлӓндӹжӹм ужда!

Тидӹ тӓлӓндӓ курымешдӓ кодшы!

Тӓ шанендӓ туан мӱлӓндӹ верц кредӓлӹндӓ?

Самынялтында!

Тӓ вараш ӓвӓ верц вуйдам пиштендӓ!

Вараш ӓвӓ тӓмдӓн ыныкавлӓлӓндӓ лач келесӓ лиэш:

«Тӓмдӓн йӹлмӹдӓ нималан ярдымы!

Культурыдажат лач …

Ха-ха-ха! Кышкы вара ти йӹлмӹ дӓ культуры дон!»

Кого Келтӹмӓшлӓ ваштылалеш.

Но тӓ амалыда!

Шӹпӹн амалыда!

Тырын амалыда!

Пӓпӹдӓ!

Тӓ гишӓндӓ керӓл годым ӓштӓлтӓт лиэш:

кӱшӹл трибунывлӓ гӹц

оркестрвлӓм шактен

автоматвлӓ доно вес халыквлӓм лӱдӹктен

пушкавлӓ доно мӱгӹрӹктен

тӓмдӓн лӹмдӓ доно

тӓлӓндӓ пӓлӹдӹмӹ

Йоргин волажы доно лыпшедӹлӓш тӹнгӓлӹт

тӓ вет геройвлӓ ылында

ылында, керӓл годым…

шулдаш пушка пай!

Тӓ лӹмешдӓ обелисквлӓм шагалтымы лиэш

дӓ нӹнӹ анзылны сам кушкаш тӹнгӓлеш.

Тенге гынят тӓ сойток ладнан амалыда!

Пӓпӹдӓ!

Запись опубликована в рубрике Uncategorized. Добавьте в закладки постоянную ссылку.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s